Taith Cerdded a Chodi Sbwriel Noddedig Discovery
Ddydd Sadwrn 27 Tachwedd, bydd Discovery yn cynnal ein taith cerdded a chodi sbwriel noddedig gyntaf, gan gerdded o Oxwich i Parkmill.
Os hoffet ti ymuno â ni, mae angen i ti gwrdd â ni ym Maes Parcio Oxwich am 12:30. Er mwyn cyrraedd Maes Parcio Oxwich ar y bws o Abertawe, cymera’r bws NAT 118 am 11:20 o’r Orsaf Fysus i Gilâ, ac yna newidia i’r 117 a disgynna yn Oxwich Cross sy’n daith gerdded 2 funud i ffwrdd o’r traeth.
Bydd yr holl arian a godir yn mynd i wirfoddoli myfyrwyr Abertawe, Discovery. Gelli di roddi yma.
Student Communications Officer Mercher Tachwedd 24th, 2021
Posted In: Digwyddiadau: Beth sydd Ymlaen?, Sustainability
Cymerwch ran mewn cwis am yr hinsawdd a gallech ennill siocled!
Sut mae’n gweithio?
- Dyma gwis 7 cwestiwn am yr hinsawdd sydd ar agor rhwng 8 a 19 Tachwedd 2021.
- Mae’r cwestiynau’n syml ac nid yw ennill yn dibynnu ar ateb pob un yn gywir!
- Y neuaddau â’r nifer fwyaf o gyfranogwyr fydd yn ennill.
- Bydd y neuaddau buddugol (ar sail canran o fyfyrwyr sy’n byw yno) yn ennill cyflenwad gwerth £100 o siocled Divine, a’r rhai sy’n dod yn ail yn ennill siocled gwerth £50.
- Mae cynaliadwyedd hefyd yn rhoi bar o siocled Divine i ddau gyfranogwr ar hap.
Cofrestrwch a dilynwch ni ar Instagram: @sosuk_charity
Hefyd os ydych chi eisiau darllen mwy am Gynaliadwyedd yn Abertawe, ewch draw i’w tudalennau gwe.
Student Communications Coordinator Mercher Tachwedd 10th, 2021
Posted In: Negeseuon, Sustainability
Ymunwch â SWell a helpwch i wella cynaliadwyedd a llesiant yn y Brifysgol!
Ym Mhrifysgol Abertawe, mae diogelu ein hamgylchedd a sicrhau llesiant cymuned ein campysau yn bwysig iawn inni. Dyna pam rydym yn lansio ffordd newydd sbon y gallwch gyfrannu at ein hymdrechion i fod yn gynaliadwy a chael eich gwobrwyo am yr holl bethau da a wnewch. Daw hyn ar adeg bwysig yn hanes ein hamgylchedd ac mae’n cyd-daro â COP26 yn Glasgow, sef y gynhadledd newid hinsawdd fwyaf drwy’r byd.
Beth yw SWell?
Ystyr SWell yw Sustainability and Wellbeing/Cynaliadwyedd a Llesiant. Rhaglen ddigidol yw hi, ac mae ar agor i holl staff a myfyrwyr y brifysgol. Trwy gyfrwng yr ap a phlatfform y we byddwch yn ennill ‘Pwyntiau Gwyrdd’ am wneud pethau bach beunyddiol i leihau eich ôl troed carbon a gofalu am eich lles corfforol a meddyliol, gan gefnogi Strategaeth Cynaliadwyedd ac Argyfwng Hinsawdd ein Prifysgol yr un pryd.
Bob mis, bydd y 10 myfyriwr sydd wedi ennill y nifer fwyaf o bwyntiau’n cael taleb o £10, a bydd modd defnyddio’r talebau hyn yn Undeb y Myfyrwyr, Root, M&S, National Book Tokens ac fel talebau sinema. Hefyd, ar ddiwedd y flwyddyn bydd y tîm buddugol yn cael rhodd o £500 i’w rhoi i elusen. (more…)
Student Partnership and Engagement Manager Gwener Hydref 29th, 2021
Posted In: Newyddion Campws, Digwyddiadau: Beth sydd Ymlaen?, Negeseuon, Sustainability
Gwirfoddola ar Ymgyrch Cynaliadywedd
Eisiau rhagor o wybodaeth am y Digwyddiad Diffodd i Fyfyrwyr a byw’n gynaliadwy yn y brifysgol? Byddwn yng nghyntedd Fulton fore Mercher 10 Tachwedd.
Gall yr argyfwng hinsawdd deimlo’n llethol! Gall gweithredu a chysylltu ag eraill fod yn ffordd dda o deimlo dy fod yn cymryd camau ymarferol. Cofrestra i wirfoddoli ar gyfer y Digwyddiad Diffodd i Fyfyrwyr i ganfod mwy am sut gelli di wneud gwahaniaeth ar y campws. Cynhelir ein hyfforddiant wyneb yn wyneb ar 10 Tachwedd o 1.30pm: https://www.sos-uk.org/sustainable-accommodation/volunteer (more…)
Student Partnership and Engagement Manager Mawrth Hydref 26th, 2021
Posted In: Digwyddiadau: Beth sydd Ymlaen?, Sustainability
Gwasanaeth bysus am ddim
Mae teithio am ddim ar wasanaethau bysiau lleol yn dychwelyd ar gyfer penwythnosau hanner tymor mis Hydref!
Mae’r cynllun yn golygu na fydd yn rhaid i bobl sy’n cychwyn ac yn gorffen eu teithiau bws o fewn ffiniau Cyngor Abertawe ar chwe diwrnod y cynnig dalu am y gwasanaeth, ar yr amod bod eu taith hefyd yn cychwyn cyn 7pm. Mae’r cynnig yn berthnasol o ddydd Sadwrn 23 – dydd Llun 25 Hydref ac eto o ddydd Gwener 29 – dydd Sul 31 Hydref.
Student Partnership and Engagement Manager Iau Hydref 21st, 2021
Posted In: Amrywiol, Sustainability, Travel